خير اللهم اجعله خير
تررررن.....تررررن.........ترررن.....صوت منبه الموبيل بيرن علشان يصحيني الفجر .....صحيت وصليت وقلت اذكار الصباح وطلعت البيت علشان اصحي نور الدين (ابني) و حنين(بنتي) ومراتي حبيبتي كانت صاحية من الفجركلعادة وبتجهر الفطار علشان نفطر كلنا قبل ما اروح الشغل والولاد يروحوا مدرستهم....نظرة سريعة على الاخبار واحنا بفنطر.........ياه صحيح دا بقى فاضل اسبوعين على الانتخابات...اسبوعين بس والناس هتختار لاول مرة من زمن بعيد قوي المرشحين اللي هما عايزنهم بجد......والحكومة الجديدة طبعا هتمسك زي ماالناس كلها مستنية بدل الحكومة الانتقالية اللي اتشكلت من كافة الاتجاهات الساسية برئاسة اسامة الغزالي حرب لحد ماتتعمل انتخابات بعد موت حسني مبارك والاحداث السريعة العجيبة اللي حصلت بعد موته ونهاية عهده وعهد الحزب الوطني ومحاكمة اغلب رموزه الان بتهم الفساد وتبديد الاموال العامة غير المصايب التانية وانتهاك حقوق الانسان والتعذيب اللي انكشف وبيتحاكم دلوقتي كل اللي اشتركوا فيه وانتهاء عصر الدولة البوليسية الحقيرة الى الابد والسماح لكافة ال..ترررن....تررررن...الو ايوه يااستاذنا .بكرة....امتى..طيب ماشي .....بأذن الله....ده مسؤول المكتب الاداري بيبلغني بالمؤتمر الجماهيري الحاشد اللي هيتعمل في ميدان الاصلاح(التحرير سابقا) واللي اخوانا هيعلنوا فيه البرنامج السياسي بتاعنا اللي هندخل فيه الانتخابات وبيطلب مني تبليغ كل الاخوةبالتاكيد على اهمية الحضورلان كل اخوان مصر تقريبا هيحضروه باذن الله ......طبعا اللي هيعلن البرنامج الدكتور عصام العريان اللي فيه كلام كتير بيتقال انه باذن الله هو اللي هيشكل الحكومة لما ننجح في الانتخابات.....بس بصراحة المنافسة مش هتبقى سهلة مع وجود احزاب قوية دلوقتي زي الغد والوسط والكرامة و..و... مش زي زمان ......بس انا متاكد باذن الله ان الناس هتختار الحل الاسلامي خصوصا بعد الاحداث الاخيرة واللي شهدت صحوة اسلامية كبيرة باغلب دول المنطقة ووصل فعلا الاسلاميين للحكم في بعض منها....بس ياتري مين هيكون الرئيس بعد المستشار زكريا عبد العزيز (الرئيس المؤقت برضه) ...ياترى هيكون حد من اخوانا ولا مش شرط بس يكون شخصية محترمة وتستطيع تحمل المسؤلية وتملك صفات قيادية تلقى قبول من اغلب الاتجاهات هنشوف....وياتري مين هيمسك الداخلية ..ومين هيمسك الاعلام...ومين هيمسك الخار......احماااااااااااد...................اصحى يااحمد.......يلا يابني هيقيموا صلاة الفجر....قوم يلا....حاضر يابابا هقوم اهه.....ياه كان حتة حلم..........يلا خير اللهم اجعله خير
طلب:ياريت تكملوا الحلم معايا علشان ابويا صحاني قبل مايكمل
مرسلة بواسطة ASW @ ١١:٢٧ م
16 تعليقات
16 تعليقات:
هذا ليس بحلم
إنما يقين سيتحقق بإذن الله
قال تعالى:"ألا إن نصر الله قريب"ـ
ولكن الشاهد: نسأل الله أن يثبتنا إلى أن يتحقق هذا النصر
ويجعلنا سبباً فيه
أسأل الله لك الزواج
والذرية الصالحة:"نور وحنين"ـ
والله يا أخي الكريم قد يكون حلم جميل ... وإن لم يكتمل فأعتقد أنه هناك يقين أنه سوف يأتي يأتي
قد لا ياتي بنفس التفاصيل ... فقد لا انت من يستيقظ ولكن إبنك ... ولكن يجب أن نعيش من أجل تحقيق هذا الحلم ...
وأن نسعي لتطويره من أجل أن نحلم بذلك ...
جزاكم الله خيراً أخي الخبيب
يا رب يتحقق حلمك الجميل اللى كلنا بنحلمه
بس يا أخى علشان يتحقق أى حلم لابد ن العمل الكثير فى سبيل تحقيق هذا الحلم
اللهم قوى ظهورناعلى تحمل المسؤلية
أبو حنين السكندرى
جيل الصحوة
ramzy
نورتنا ياحبي.....اكيد اخي هيتحقق باذن الله لكن في الاول لازم نحلم بيه بكل تفاصيله لان زي مانا قلت في المقدمه احلام الفهاردة هي حقائق المستقبل باذن الله زي مابيقوله بتوع الادارة والتنمية البشرية لازم يكون ليك رؤية)vision) في حياتك تححددها وتعيش ليها واكيد هتنفذها
sharkawoo
جزانا واياكم اخي......بالضبط اخي قد لايأتي بنفس التفاصيل وقد لا نعيشه نحن فعلا بل ابنائنا ..ولكن يظل اننا لابد ان نحلم به ونعيش له حتى يتحقق...ونورتنا ياباشا
ابو حنين السكندري
ياباشا اهلا باسكندرية وادب اسكندرية.ايوووه ياجدعان.....والله يااخي عندك حق علشان يتحقق الحلم لازم عمل وصبر وتحمل مسؤلية واشياء اخرى كثيرة ولكن زي ماقلت اذا تمكن هذا الحلم في قلوبنا وعقولنا اكيد هنحققه وده طبعا بعد فضل الله عز وجل وتوفيقه اولا واخيرا......بس هل فعلا انت عندك بنت اسمها حنين ولا نفسك زي كده
صحيح قبل ماانسى ...محدش كمل الحلم معايا ليييييييييه......يلا ياجماعة.....اسم المدونة مش احلامي....اسمها (احلم معايا)
ايه يا عم الحلم العربي
انت مسمعتش منير ولى ايه قبل ما تحلم فووووء احلم وانت فايق قبل ما تطلع فووووق انزل للحقائق .
انا مش بحجر على حلمك بس بحاول اغطيك وانت نايم علشان ميجلكش برد .
مين اللى يموت انت معزتش حد قبل كده لما بتخش تعزي مش بتقول للرايح تعزيه شد حيلك البقاء للاقوى .
معلش اصل حلمي مش عايز يحلم .
بحبك يا حبيبي بس ثواني انت اجوزت فعلا ولى ده كان حلم برده معلش اصلى نايم بقالى كتيير ومحدش صحاني :)
جميل حلمك
وكفاية عندي يوصل إلى منتصفه
يااااااارب
;كويس إنه ثحاك قبل ما تكمل الحلم
أحسن ما كنت تتفاعل مع الحلم زياده على اللزوم و تقع من على السرير وأخرتك كانت حتبفى المستشفى مش من وقعتك من على السرير بس من اللى ممكن يجرالك فى الحلم
طخخخخخخخخ ليه كده يا باشا ؟
متحلمش بحجات توديك اللومان
تحياتى .....
الحلم حامد جدا والي مش عاجبه ميعملش vote احنا عايزين حلم زي ده علشان نبداء نتحرك واحد ورا واحد لحد ما كل الشعب يحلم ويتحرك ويتحقق الحلم المصري و موعدنا ان شاء الله قريبا في ميدان الشهيد (التحرير سابقا) يلا سلام بس هيتحقق يعني هيتحقق
والله بجد فكره مدونه حلوه جدا
وبوست جميل جدا
وادينا بنحلم ورانا ايه
الا ان نصر الله قريب
وسلااااااااام
حلم جميل وإن شاء الله هياتي عما قريب بس ليه ملحوظة حضرتك بتستنى كتير جدا على الوضوع الجديد وانا ببقى مستني عشان بحب احلم معاك
احمد مؤمن
رفعت
حبيب قلبي...نورتنا ياعسل ...ياعم براحة علينا ده حلم بسيط خالص دا احنا لسه بنسخن .......ثانيا ياسيدي اكيد البقاء للاقوى .....والاقوى هي دعوة ربنا طبعا بينا او من غيرنا.....بالنسبة للسؤال الاخير الخاص بالجواز.....اطمن ياسيدي لسهااعزب واعوز زيك كده
وضاح
جزاكم الله خيرا ....ان شاء الله هيكمل لاخره كله بينا
احباء في الله(اخوان بيطري اسكندريه)
ايووووووووه ياجدعان حتى الحلم مستكترينه عليانا...نروحوا فين يعني عشان نحلموا الحلم بتاعنا
عمر
جزاك الله خيرا ياحبي ولقاءنا باذن الله في ميدان الشهيد البنا بعد نجاح الحكومة طبعا
fnan_geology
الف شكر ياباشا على التعليق الجميل ...وعايزينك تحلم معانا
احمد مؤمن
اكيد ياحمادة هيتحقق قريب مادام فيه شباب حلوة زيكوا هينفذوه باذن الله .....معلش الحلم يمكن بيتأخر شويه بس انت عارف مفيش حد بيحلم بمزاجه ساعات كتير بانام وتطلع كوابيس بالذات في الايام اللي مايعلم بيها الا ربنا دي
محدش كمل الحلم برضه......ايه انتو خايفين ولا ايه ....لا مش هينفع النظام ده .....انتوا هاتسيبوني احلم لوحدي من اولها
اللهم خذهم اخذا وبيلا
لاتبقي منهم علي الارض ديارا
وان ابقيتهم فجدع انوفهم واذانهم وفض فاهم
الحركة الشبابيه لمناهضه الإعتقال – مش هنتاخد
ادخل عندى ضرورى جدا
وسلاااااام
الله يخليك يا عم أحمد
ركز في شغلك وماتنامش كتيير
عشان ربنا يوفقك وتعرف تحقق باقي حلمك بتاع الجواز والولاد والبنات والحركات دي
وبعدين إنتا مالك بميدان التحرير هوه بتاعك
الميدان ده بتاع الحكومه وهما عارفين يسموه إيه زي ما هما عايزين
يمكن يسموه ميدان مبارك
ولا حتى ميدان الجمال
بس انتى عارف حل مشكلتك دي إيه كنت خلي باباك يصحيك عالقيام مش عالفجر
كان ممكن يلحقك قبل ماتغرس في الحلم أوي كده
إرسال تعليق
الاشتراك في تعليقات الرسالة [Atom]
<< الصفحة الرئيسية