الأحد، 3 يونيو، 2007

كوابيس

كوابيس ..................كوابيس............كوابيس...........مش قادر احلم............ادعوا لي

الاثنين، 14 مايو، 2007

آآآآه ه ه ه ياقلبي


احبها.....نعم احبها....ولن اخجل بعد الان من اقولها
.....
احساس رائع

ان تشعر انك هناك من تحبه ويحبك

ها هي حبيبتي في ابهى صورها اراها بقلبي قبل عيني

هاهي يدي تحتضن اناملها الرقيقية فاشعر اني امتلك الدنيا كلها

احبها

اريد ان اصرخ بها لاسمعها للكون كله

حبيبتي هذا يوم زفافنا....نبدأ به حياة جديدة

انا وانت فقط

حياة نملؤها بالحب والمودة والرحمة

نملؤها بوعود قطعناها على انفسنا امام ربنا

ليكون بيتنا بيتا يحبه الله ورسوله ويحب الله ورسوله

بيتا ملئ بالطاعة عامر بالذكر

معقلا لمجاهدين تربوا على حب دينهم والتضحية بكل غالي وثمين من اجل نصرته

لك الحمد ياربي

اشعر بقلبي يكاد يقفز فرحا وطربا

هاهي من اختارها لي ربي لتكون حبي وسكني

هانذا امامها انظر لعيناها الجمليتين ...فاري فيهما

خجل مني

وحب لي

هاهم اهلي واخواني واحبائي من يلتفون حولي

تملئ عيونهم فرحة بي

وبحبيبتي

هاهم اخواني احب الناس الى قلبي

يباركون لي

يداعبونني

وينشدون لي

يجماله يجماله يجما...ايه يابني انت بتغني وانت نايم ...مالك منشكح كده ليه
....
احمااااااااااد....اصحى يابني

افراح افراح افراح وورود

ايه فيه ايه ليه بس صحيتني ياما من ...احلى الاحلام
...آآآه ربي ارح قلبي بمن اخترتها لي
......حقيقة لازلت لا اعرفها ولكن
انا تعبت

الأربعاء، 2 مايو، 2007

يابشرى


صفا.....جهاااااد......انتباه.....استشهاااااااد......الله غايتنا
.....الرسول زعيمنا.......القرآن دستورنا....الجهاد سبيلنا....الموت في سبيل الله
اسمى امانينا....قادم قادم يااسلام ....حاكم حاكم ياقرآن....نداءات وهتافات ترددها
حناجر جيش المسلمين المرابطين المتأهبين للمعركة الاخيرة.....المعركة التي طال
انتظارها......معركة العزة والشرف والتمكين....معركة تحرير فلسطين....ها قد اتى
اليوم ليقف جيش الفتح الاسلامي على اعتاب القدس وقد اجتمع جنده من كل فج عميق ينطق
اهله بشهادة التوحيد....تحت راية واحدة ...راية الاسلام ....هاهم جنود المسلمين من
اندونيسيا والصين والهند والافغان وايران مع جنود الخليج مع جنود مصر والشام
والمغرب العربي واوربا ...اخيرا جمعتها كلمة واحدة وقائد واحد بعد سنوات من الكفاح
والتصارع حتى استطاعت الصحوة الاسلامية بفضل الله وكرمه من الوصول الى حكم هذه
البلاد جميعا واختيار قائد له ......وخليفة للمسلمين جميعا...خالد مشعل .....ليكون
اول قائد وخليفة للمسلمين منذ امد بعيد...هاهي تجتمع على باب فلسطين بعد تحرير
افغانستان والشيشان والعراق وايران وسوريا......تنتظرصيحةالبدء للقضاءعلى اخر اذناب
الصهيونية التي اجتمعت وتحصنت بفلسطين....حبيبتي يافسطين ...كم صبرت...كم حلمنا
بهذا اليوم ...كما اشتقنا لتقبيل ترابك.....كم بكينا ودعونا الله لصلاة في الاقصى
او شهادة على اعتابه......صلاة يؤذن فيها مؤذن جيش الفتح ويؤمنا فيها قائده ثم يخطب
فينا.....هاهي اللحظة التي طال انتظارها تأتي وندعو الله فيها بالتثبيت والنصر
لعباده المؤمنين.....فاما النصر او الشهادة.........هاهي صيحة الهجوم تنطلق
...اسمعها.....الله اكبر ولله الحمد .......الله اكبر ولله الحمد.......الله اكبر
ولله الحمد......هاهم الجيشان يلتحمان وتبدو.......احماااااااااااااااد.........ايه
يابني صلي على النبي بتزعق كده لييييه......فوووق ياحماااااااااد...........ايه فيه
ايه سيبوني احارب........ياااااااااااااه.........حلم ..........لكن هذه المرة
استيقظت وعلى وجهي دمعتين........دمعة فرح واستبشار ........ودمعة حسرة
والم.........تتسائل متى سيأتي هذا اليوم ياامة الاسلام؟

ياترى مين هيكمل الحلم
معايا؟

الاثنين، 16 أبريل، 2007

خير اللهم اجعله خير


تررررن.....تررررن.........ترررن.....صوت منبه الموبيل بيرن علشان يصحيني الفجر .....صحيت وصليت وقلت اذكار الصباح وطلعت البيت علشان اصحي نور الدين (ابني) و حنين(بنتي) ومراتي حبيبتي كانت صاحية من الفجركلعادة وبتجهر الفطار علشان نفطر كلنا قبل ما اروح الشغل والولاد يروحوا مدرستهم....نظرة سريعة على الاخبار واحنا بفنطر.........ياه صحيح دا بقى فاضل اسبوعين على الانتخابات...اسبوعين بس والناس هتختار لاول مرة من زمن بعيد قوي المرشحين اللي هما عايزنهم بجد......والحكومة الجديدة طبعا هتمسك زي ماالناس كلها مستنية بدل الحكومة الانتقالية اللي اتشكلت من كافة الاتجاهات الساسية برئاسة اسامة الغزالي حرب لحد ماتتعمل انتخابات بعد موت حسني مبارك والاحداث السريعة العجيبة اللي حصلت بعد موته ونهاية عهده وعهد الحزب الوطني ومحاكمة اغلب رموزه الان بتهم الفساد وتبديد الاموال العامة غير المصايب التانية وانتهاك حقوق الانسان والتعذيب اللي انكشف وبيتحاكم دلوقتي كل اللي اشتركوا فيه وانتهاء عصر الدولة البوليسية الحقيرة الى الابد والسماح لكافة ال..ترررن....تررررن...الو ايوه يااستاذنا .بكرة....امتى..طيب ماشي .....بأذن الله....ده مسؤول المكتب الاداري بيبلغني بالمؤتمر الجماهيري الحاشد اللي هيتعمل في ميدان الاصلاح(التحرير سابقا) واللي اخوانا هيعلنوا فيه البرنامج السياسي بتاعنا اللي هندخل فيه الانتخابات وبيطلب مني تبليغ كل الاخوةبالتاكيد على اهمية الحضورلان كل اخوان مصر تقريبا هيحضروه باذن الله ......طبعا اللي هيعلن البرنامج الدكتور عصام العريان اللي فيه كلام كتير بيتقال انه باذن الله هو اللي هيشكل الحكومة لما ننجح في الانتخابات.....بس بصراحة المنافسة مش هتبقى سهلة مع وجود احزاب قوية دلوقتي زي الغد والوسط والكرامة و..و... مش زي زمان ......بس انا متاكد باذن الله ان الناس هتختار الحل الاسلامي خصوصا بعد الاحداث الاخيرة واللي شهدت صحوة اسلامية كبيرة باغلب دول المنطقة ووصل فعلا الاسلاميين للحكم في بعض منها....بس ياتري مين هيكون الرئيس بعد المستشار زكريا عبد العزيز (الرئيس المؤقت برضه) ...ياترى هيكون حد من اخوانا ولا مش شرط بس يكون شخصية محترمة وتستطيع تحمل المسؤلية وتملك صفات قيادية تلقى قبول من اغلب الاتجاهات هنشوف....وياتري مين هيمسك الداخلية ..ومين هيمسك الاعلام...ومين هيمسك الخار......احماااااااااااد...................اصحى يااحمد.......يلا يابني هيقيموا صلاة الفجر....قوم يلا....حاضر يابابا هقوم اهه.....ياه كان حتة حلم..........يلا خير اللهم اجعله خير
طلب:ياريت تكملوا الحلم معايا علشان ابويا صحاني قبل مايكمل

الاثنين، 9 أبريل، 2007

يلا بينا نحلم




ليه احلم معايا؟
احلم معايا علشان نحلم...ايوه نحلم...نحلم بكل حاجة واي حاجة...في زمن حتى الاحلام بقت صعبة فيه...نحلم على كيفنا بلا قيود...بلا حدود...
احلم معايا....لان احلامنا هي مستقبلنا....ولو عشنا من غيرمانحلم....مفيش حاجة هنوصل لها المهم علشان ماطولش عليكم انا طبعا هاحلم بشخصيتي وامنياتي ومرجعيتي(ايه الكلام الكبيرده) ...قصدي يعني اننا اكيد هنختلف واكيد برضه هنتفق .....بس المهم اننا نحلم......يلا غمض عينيك... واحلم معايا